«Ձյունե հեքիաթ» փառատոն-տոնավաճառ

2018թ-ի դեկտեմբերի 22-23-ը սիրով հրավիրում ենք Գեղարքունիքի մարզ, ք. Ճամբարակ, որտեղ տեղի կունենա «Ձյունե հեքիաթ» խորագրով փառատոն-տոնավաճառ:

Միջոցառումն իրականացվում է Եվրոպական միության կողմից ֆինանսավորվող «ԵՄ-ը զբոսաշրջության համար. համայնքահեն գյուղական զբոսաշրջություն և մշակութային միջոցառումներ Գեղարքունիքի և Վայոց Ձորի մարզերում» ծրագրի շրջանակներում։

ՄԻՋՈՑԱՌՄԱՆ ՇՐՋԱՆԱԿՆԵՐՈՒՄ՝

• Կարող եք կատարել Ձեր ամանորյա գնումները տոնավաճառում ներկայացված տաղավարներից, որտեղ կլինեն փայտյա ձեռագործ աշխատանքներ, տարբեր խաղալիքներ, նվերներ, գինի, քաղցրավենիք, մսամթերք, մեղր, Մոթալ պանիր և այլն,

• Բացման օրը՝ դեկտեմբերի 22-ին, տեղի կունենա հայ երգիչների մասնակցությամբ համերգ: Այգում կհնչի տոնական երաժշտություն, կկազմակերպվեն տարբեր ժամանցային խաղեր, իսկ երեկոյան պրոֆեսիոնալ DJ-ը կապահովի ուրախ և անմոռանալի ժամանց երիտասարդների համար,

• Այգու տարածքում կշրջեն մուլտհերոսներ՝ երեխաների ուրախ ժամանցն ապահովելու նպատակով,

• Ձմեռ Պապն իր հեքիաթային սահնակով կիրականացնի շրջայց Ճամբարակ քաղաքում,

• կամավորների կողմից ձնից կքանդակվեն տարբեր արձաններ:

• Այգին ձևավորված կլինի ձյունից կառուցված պարիսպներով, աշտարակներով, ամանորյա տոնածառով, կլուսավորվի վառ ու գունեղ լույսերով՝ ստեղծելով հեքիաթային միջավայր և ջերմ մթնոլորտ:

Վայրը՝ Ճամբարակի քաղաքային այգի:

📞 Ձեր հարմարավետ և անվտանգ տեղափոխումը կազմակերպելու համար կարող եք զանգահարել հետևյալ հեռախոսահամարներով՝ 

+374 91 55 49 46 

+374 60 50 49 46